فرمودات و ارشادات عالیہ ، سیدنا امام جعفر صادق رضی اللہ تعالی عنہ
 
   امام ہمام حضرت سیدنا ابو عبد اللہ  جعفر بن محمد  صادق رضی اللہ تعالی عنہما کی ولادت شریف8 رمضان المبارک 83ھ میں ہوئی -

 

 آپ نے ارشاد  فرمایا : بقاء نعمت کے لئے شکر ، وسعت رزق کے لئے استغفار اور حاجت براری کےلئے " لاحول ولا قوۃ الا باللہ " نہایت مجرب ہے-

آپ نے ارشاد فرمایا کہ خدائے تعالی دنیا کو کہہ رکھا ہے اے دنیا! جومیری خدمت کرے تو اس کی خادمہ بنی رہنا اور جو تیرے پیچھے پڑے تو اس کو ہمیشہ دھتکارتے جانا۔(حلیۃ الاولیاء،ج:1،ص:480)

أحمد بن إسحاق، حدثنا محمد بن العباس، حدثنا الحسين بن عبد الرحمن بن أبي عباد، حدثنا محمد بن بشر، عن جعفر بن محمد، قال: أوحى الله تعالى إلى الدنيا، أن اخدمي من خدمني، وأتعبي من خدمك.

آپ نے ارشاد فرمایا:عمل نہ کرکے جنت کا امیدوار رہنا بے وترکی کمان سے تیرمارنا ہے -

 اکثر آپ یہ دعاء فرمایا کرتے : اللهم أعزني بطاعتك، ولا تخزني بمعصيتك، اللهم ارزقني مواساة من قترت عليه رزقه بما وسعت على من فضلك -

(اے اللہ ! تیری اطاعت کرواکر مجھ کو عزت دے ،،گناہوں کے ذریعہ مجھے ذلیل ورسوا نہ فرما، اے اللہ ! جن پر تونے روزی تنگ کیا ہے ان کی غمخواری کرنے  کی مجھے توفیق دے  اس مال سے جو تو نے مجھے اپنے فضل سے عطا فرمایا ہے)

آپ نے ارشاد فرمایا : تقوی سے زیادہ فضیلت والا کوئی زاد راہ نہیں،خاموشی سے بہتر کوئی چیز نہیں ، جہالت سے بڑھکر ضرر رساں کوئی دشمن نہیں  اور جھوٹ سے زیادہ ہلاک کرنے والا کوئي مرض نہیں-(حلیۃ الاولیاء،ج:1،ص:481)

 عن عائد بن حبيب، قال: قال جعفر ابن محمد: لا زاد أفضل من التقوى، ولا شيء أحسن من الصمت، ولا عدو أضر من الجهل، ولا داء أدوى من الكذب.

آپ نے ارشاد فرمایا: اللہ تعالی پر ایمان لانے کے بعد لوگوں کے ساتھ محبت سے پیش آنا ہی سمجھداری کی اصل ہے-حدثنا الحسن بن الحسن، عن أبيه، عن جعفر ابن محمد، عن أبيه، عن علي بن الحسين، عن الحسين بن علي بن أبي طالب رضوان الله تعالى عليهم، قال: قال رسول الله صلى الله عليه وسلم: " رأس العقل بعد الإيمان بالله التودد إلى الناس " . (حلیۃ الاولیاء،ج:1،ص:485)

سیدنا امام جعفر صادق رضي اللہ تعالی عنہ حضرت عکرمہ رضي اللہ تعالی عنہ سے ، وہ حضرت عبد اللہ بن عباس رضي اللہ تعالی عنہما سے روایت کرتے ہیں کہ حضرت رسول اللہ صلی اللہ علیہ والہ وسلم نے ارشاد فرمایا: جس شخص نے" جَزَى اللّهُ عَنَّا مُحَمَّدًا صَلَّى اللهُ عَلَيْهِ وَسَلَّمَ بِمَا هُوَ أَهْلُهُ " ( اللہ تعالی حضرت سیدنا محمد مصطفی صلی اللہ علیہ والہ وسلم کو ہماری جانب سے آپ کی شان کے لائق بدلہ عطافرمائے ) کہا تو اس نے  ثواب لکھنے والے ستر(70) فرشتوں کو ہزار دن تک ثواب لکھنے میں مشغول رکھا- 

 عن جعفر بن محمد، عن عكرمة،عن ابن عباس، قال: قال رسول الله صلى الله عليه وسلم: " من قال جزى الله عنا محمدا صلى الله عليه وسلم بما هو أهله، أتعب سبعين كاتباً ألف صباح " . (حلیۃ الاولیاء،ج:1،ص:486)

وصال مبارک:

آپ کا وصال مبارک مدینۂ منورہ میں ماہ شوال اور ایک قول کے مطابق 15!رجب 168ھ اور ایک روایت کے مطابق 148ھ میں ہوا،اس وقت آپ کی عمر مبارک 68 سال تھی،آپ کا مزار مبارک مدینۂ منورہ ، جنت البقیع شریف میں ہے  ۔

اولاد امجاد:

آپ کو چھ(6)شہزادے:

(1)سیدنا اسماعیل رضی اللہ تعالی عنہ

(2) سیدنا محمد رضی اللہ تعالی عنہ

(3) سیدنا علی رضی اللہ عنہ

(4) سیدنا عبد اللہ رضی اللہ تعالی عنہ

(5) سیدنا اسحاق رضی اللہ تعالی عنہ

اور

(6) سیدنا موسی کاظم رضی اللہ تعالی عنہ

 اور ایک شہزادی سیدہ عائشہ رضی اللہ تعالی عنہا  ہیں،آپ کا نام مبارک فروہ بھی تھا-(نور الابصار فی مناقب آل بیت النبی المختار صلی اللہ علیہ والہ وسلم ،ص:162)

 از: مولانا مفتی حافظ سید ضیاء الدین نقشبندی دامت برکاتہم العالیہ

شیخ الفقہ جامعہ نظامیہ بانی ابو الحسنات اسلامک ریسرچ سنٹر-www.ziaislamic.com

 

 

 
     
 
 
 
  BT: 356   
حضرت خواجہ بندہ نوازرحمۃ اللہ علیہ، شخصیت وتعلیمات
...............................................
  BT: 355   
شب قدر‘عظمت وفضیلت
...............................................
  BT: 354   
حضرت امام ربانی رحمہ اللہ کا علمی وروحانی مقام
...............................................
  BT: 352   
تذکرہ حضرت ابو الخیرسید رحمت اللہ شاہ نقشبندی مجددی قادری رحمۃ اللہ علیہ
...............................................
  BT: 351   
حضرت شیخ الاسلام بانی جامعہ نظامیہ کی اصلاحی وتجدیدی خدمات
...............................................
  BT: 350   
غوث اعظم رضی اللہ عنہ علمی جلالت، فیضان اور تعلیمات
...............................................
  BT: 349   
ولادت باسعادت، خصائص وامتیازات
...............................................
  BT: 348   
شاہ نقشبند حضرت خواجہ بہاؤالدین نقشبندؒ ملفوظات وکرامات
...............................................
  BT: 347   
امام ربانی مجددالف ثانی رحمۃ اللہ علیہ شخصیت حیات وتعلیمات
...............................................
  BT: 346   
ماہ صفر'اسلامی نقطۂ نظر
...............................................
  BT: 345   
محبت اہل بیت وصحابہ شعارِاہل سنت
...............................................
  BT: 344   
کرامات امام حسین رضی اللہ عنہ
...............................................
  BT: 343   
محبت اہل بیت وصحابہ شعارِاہل سنت
...............................................
  BT: 342   
سیدنا فاروق اعظم رضی اللہ تعالی عنہ فضائل ومناقب
...............................................
  BT: 341   
حضرت عثمان غنی رضی اللہ تعالی عنہ،فضائل وکمالات
...............................................
  BT: 340   
قربانی فضائل ومسائل
...............................................
  BT: 339   
برادران وطن کے ساتھ تعلقات
...............................................
  BT: 338   
عشرۂ ذی الحجہ فضائل واحکام
...............................................
  BT: 337   
فضائل حج وعمرہ
...............................................
  BT: 336   
تذکرہ حضرت ابو الخیرسید رحمت اللہ شاہ نقشبندی مجددی قادری رحمۃ اللہ علیہ
...............................................
 
   
Copyright 2008 - Ziaislamic.com All Rights Reserved